O ty giździe pieroński, słówka żeś zapodoł
i myślisz, że terozki kożdy bydzie godoł?
No to posłuchej, co ci tu łopowiem, synku,
o łostudzie co mi się przytrefiła, jak żech wracoł z szynku.
Frela w doma czeko, a jo cołkiem ożarty,
aż mi z kapsy wypadły do szkata karty.
Myśloł żech se, jak mie ujrzy, bydzie larmo,
a jak się znerwuje, to po pysku dostana za darmo.
Dziołszka jednak cicho, yno na mie filuje,
jo się dziwuja, a ona lajbik ściepuje.
Nic nie musiała godać, zaroz żech był sagi,
co by nie myślała, że ni mom odwagi.
Stoja tak na lojfrze, myśla o zabawie,
a łona się tak śmieje, że mo płaczki prawie.
Aż żech dostoł hercklekotów, boch się kapnoł czemu,
coch jo narobił, Ponboczku, wybocz gupiemu.
Na ryczka żech ciepnoł to, coch łoblekł z rana,
ale na kożdej szłapie została fuzekla, i to sztrykowana.
Jak żech się skapowoł, aż do hasioka furgały,
ale było za niyskoro, amory już uleciały.
Dej se wiync pozór, jak idziesz w zolyty,
jak widać, nie styknie żeś jest umyty.
A jak dalej szukosz wica wśród tych rymów,
to lepiej poczekej, aż gorol napisze po noszymu.
__________________ Bajarz - Warhammerophil. |